हामी सबैकाे संसारन्यूज

अहिलेको प्रतिस्प्रधाको समयमा मानिसलाई घरमा भन्दा अफिसमा बढी समय विताउनु बाध्य हुन्छ । उसलाई घरमा भन्दा अफिसमा सुन्दर शान्त र सफा वातावरणको आवस्यकता पर्छ । त्यसैले अफिसमा रहँदा पनि कसरी आफ्नो स्वास्थ्यको ख्याल गर्न सकिन्छ भन्ने उसले सोच्न जरुरी हुन्छ । यस्ता उपायहरु अपनाएर उ अफिसमा स्वस्थ रहन सक्छ ।
कोही स्टाफ बिरामी हुँदा उसलाई मात्रै समस्या हुँदैन कम्पनीलाई पनि हानी हुन्छ । बिमारीको कारण स्टाफलाई छुट्टी लिनुपर्ने हुनाले उसले गर्नुपर्ने काम रोकिएको हुन्छ । तर तपाइले यो बुझ्न जरुरी छ घरमा मात्र नभएर अफिसमा पनि तपाइको स–सानो बानीका कारण संक्रमणको समस्या हुन्छ ।
कसरी बच्ने ?
कतिपय अफिसमा धेरै स्टाफहरु हुन्छन् । तर, हावा खेल्नका लागि झ्याल हुँदैन् । जसको कारण अफिसमा बाहिरबाट आएको हावा खेल्न पाउँदैन हावाको कमी हुन्छ । यसको कारण स्वासप्रस्वासमा समस्या हुन्छ । यसको लागि सम्भव भएसम्म अफिसमा बोस्टन फर्न, किम्बर्ली क्वीन लगातका विरुवा लगाउनु सकिन्छ । साथै अफिसमा कामगर्ने समयमा केही समयको लागि खुला हवामा निस्कनुपनि स्वास्थ्यको लागि फाइदा हुन्छ ।
साबुन पानीले हात धुनुस्
अफिसमा सबैभन्दा जरुरी यो हुन्छ की राम्रोसँग हातको सफाइ गर्नु । दिनभरी काम गर्दा चार–पाँचपटक साबुन पानीले हात धुने गर्नुहोस् । यसले पीएफसी तथा अन्य हानिकारक केमिकललाई ३ गुणा कम गर्छ । हातका साथै तपाइले कामगर्ने ठाउँ पनि सफा राख्ने गनुहोस् । जस्तै तपाइको टेवुल, फोन, टेवुलमा रहेका डायरी, फाइलहरुमा धुलो भरिएका हुन्छन् । यसले तपाइको स्वास्थ्यमा गम्भीर असर गर्दछ । यस्तो धुलोहरु किर्बोड र तपाइको हातको सहारामा तपाइको शरीरमा पुग्छन् । यसकारण हप्ताको एकपटक किटाणु नाश हुने गरी राम्रो सँग आफ्नो कोठा र टेबुल सफाइ गर्नुस् या गर्न लगाउनुस् ।
खानामा ध्यान दिनुहोस्
अफिसमा काम गरिरहँदा खानमा पनि ध्यान दिन जरुरी छ । यदि तपाइ जुन टेवुलमा काम गरिरहनु भएको छ त्यहि टेवुलमा खाना पनि खानु भयो भने तपाइको ध्यान खानामा जाँदैन । का मगर्ने ठाउँमै बसेर खाँदा तपाइको कम्प्युटर, फोन या इमेलमा ध्यान पुग्छ । जसका कारण तपाइ राम्रोसँग खान सक्नु हुन्न । यस्तो बेलामा तपाइले धेरै खाने सम्भावना बढी हुन्छ । जसको कारण शरीरको तौल बढ्नुका साथै विभिन्न प्रकारका समस्या हुन्छ । त्यसकारण खाने खाने समयमा उचित स्थानका साथै खानामा ध्यान दिनु र राम्रोसँग चपाएर खानु स्वास्थ्यका लागि फाइदाजनक हुन्छ ।