Sansar News
काठमाडौं । प्रतिनिधिसभा बैठकले प्रधानन्यायाधीश चोलेन्द्र शमशेर जबराविरुद्ध दर्ता भएको महाअभियोग प्रस्तावमाथि छानबिन गर्न महाअभियोग सिफारिस समिति गठन गरेको छ ।
आइतबार बसेको प्रतिनिधिसभा बैठकले एमाले, कांग्रेस, माओवादी केन्द्र, एकीकृत समाजवादी, लोकतान्त्रिक समाजवादी र जनता समाजवादीका सांसदलाई समेटेर ११ सदस्यीय महाअभियोग सिफारिस समिति गठन गरेको हो ।
११ सदस्यीय समितिमा एमालेबाट विष्णु पौडेल, लालबाबु पण्डित, शिवमाया तुम्बाहाम्फे, कृष्ण भक्त पोखरेल, कांग्रेसबाट मिनबहादुर विक, रामबहादुर विष्ट, माओवादी केन्द्रबाट यसोदा सुवेदी, रेखा शर्मा, एकीकृत समाजवादीबाट कल्याणी खड्का, लोसपाबाट एकवाल मियाँ र जसपाबाट प्रमोद साह छन् ।
प्रधानन्यायाधीश राणाविरुद्ध गत फागुन १ महाभियोग प्रस्ताव दर्ता भएको थियो । तर, दलहरूबीच सहमति नजुट्दा संसदमा महाभियोगको प्रक्रिया अगाडि बढ्न सकेको थिएन ।
वि.सं.२०७८ फागुन २२ आइतवार १४:१८ मा प्रकाशित
