Sansar News
काठमाडौं । बलात्कारको आरोपमा पक्राउ परेका एमालेका सांसद मोहन बानियाँ निलम्बनमा परेका छन् ।
आइतबार बसेको प्रतिनिधिसभाको बैठकमा सभामुख अग्नि सापकोटाले बानियाँ निलम्बनमा परेको जानकारी दिएका हुन् ।
एक महिलाले आफूमाथि बानियाँले बलात्कार गरेको भन्दै जिल्ला प्रहरी कार्यालयमा उजुरी दिएपछि प्रहरीले बानियाँलाई पक्राउ गरेर अनुसन्धानका लागि हिरासतमा राखेर अनुसन्धान गरिरहेको छ ।
बलात्कारको आरोप लगाएकी जुम्लाकी ती ४० वर्षीया महिलाले सांसद बानियाँले आफुलाई बाँकेको एक होटलमा बोलाएर जबर्जस्ती करणी गरेको भन्दै बाँके प्रहरीमै उजुरी दिएकी थिइन् ।
वि.सं.२०७८ फागुन २२ आइतवार १४:२६ मा प्रकाशित
