हामी सबैकाे संसारन्यूज

अर्घाखाँची । छात्रालाई जवर्जस्ती बलात्कार गरेको आरोपमा एक शिक्षक पक्राउ परेका छन् ।

अर्घाखाँचीको मालारानी गाउँपालिका ७ हंसपुरको एक विद्यायलका शिक्षकले छात्रालाई जवर्जस्ती बलात्कार गरेको आरोपमा पक्राउ परेका हुन् ।

जिल्ला प्रहरी कार्यालय अर्घाखाँचीका प्रहरी निरीक्षक गणेश खनालका अनुसार ती शिक्षकले १५ वर्षीया नबालिकालाई जबरजस्ती करणी गरेको भन्दै प्रहरीमा उजुरी परेपछि उनलाई पक्राउ गरिएको हो ।

ती शिक्षकले छात्रालाई गत पुष २९ गते पहिलोपटक जंगलमा लगेर तथा त्यसयता पटक–पटक बलात्कार गरेको थिए । बलात्कारपछि ती छात्रा गर्भवती समेत बनेको र गर्भपतन गर्नुपरेको उजुरीमा उल्लेख रहेको छ ।

प्रहरीले शिक्षक र स्कुलको नाम भने खुलाएको छैन । विद्यालयको नाम खुलाउँदा बालिकाको पहिचान खुल्ने भन्दै नाम गोप्य राखिएको बताइएको छ ।