हामी सबैकाे संसारन्यूज

मोहन गौतम, गान्तोक, सिक्किम

हे युवा अब कर्तव्य गर्न उठेर लागन
ज्ञानको ज्योति बालेर अब कार्यमा जागन
आजको युवा देशको सान विश्वमा चम्कने
लौ उठौँ जागौँ मिलाई सुर तालमा लम्कने ।।

हुदैन गर्नु अबेर अब आलस्य फालौन
नसाचौँ काम आजनै गरौँ जाँगर पालौन
असर हुन्छ लौ मीठो बोलौं मानव बोलिको
गोलीको भन्दा असर गर्ने भविष्य भोलीको ।।

गरेर सेवा फलाई मेवा पकाई खानु छ
हाँस न हाँस पिरती गाँस मरेर जनु छ
धनको राजा मनको पाजी नबनौं कसैले
मनको राजा भएर ताजा उठौंन सबैले ।।

जो हुन्छ होचो उसैमा घोचो नगरौं कसैले
दीनको हात समाई साथ उठाऊँ सबैले
मरेर जन्छौँ के साथ लान्छौँ सोलामा खरानी
अन्तमा हुन्छ आत्मको शान्ति माटाको सिरानी ।।

झ्याउरे लोक : छन्द