Sansar News
काठमाडौं । ठगी तथा आपराधिक विश्वासघात गरेको आरोपमा एक जना महिला पक्राउ परेकी छन् । पक्राउ पर्नेमा काठमाडौं महानगरपालिका-१६की बिमला श्रेष्ठ रहेकी छन् ।
पीडितको नवलपरासी जिल्लास्थित जग्गा/जमिन खण्डीकरण र बिक्री गरी सो बापत प्राप्त प्रतिफल बाडफाँड गर्ने लगायत झुक्याइ जग्गा लिई पीडितलाई दिनुपर्ने नगद २ करोड ५६ लाख रूपैयाँ नदिई फरार रहेकी श्रेष्ठलाई महानगरीय प्रहरी परिसर काठमाडौंबाट खटिएको प्रहरीले बालाजुबाट पक्राउ गरेको हो ।
उनलाई आवश्यक अनुसन्धान तथा कारबाहीको लागि जिल्ला प्रहरी कार्यालय नवलपरासी पठाइएको उक्त प्रहरी परिसरले जनाएको छ ।
वि.सं.२०७८ चैत ८ मंगलवार १३:२८ मा प्रकाशित
