हामी सबैकाे संसारन्यूज

राजेन्द्रकुमार बज्राचार्य
कोटेश्वर, काठमाण्डौं

प्रभात उमङ्ग सब छन् त दङ्ग ।
अनेक प्रभाव नरकै छ ढङ्ग ।।
जवाफ अनेक मनभाव रङ्ग ।
विचार प्रभाव जनका विरङ्ग ।।१।।

रहेछ विचार मनमा तरङ्ग ।
उठेर उछाल मन भो भरङ्ग ।।
सबेर थिचिन्छ जब अङ्गअङ्ग ।
प्रभाव मिचिन्छ अनि पो झसङ्ग ।।२।।

कठोर विचार मनमा प्रसङ्ग ।
पराजित हुन्छ तन यो अनङ्ग ।।
छ लज्जित हेर मनमा अनन्त ।
अवश्य नि हुन्छ तनभाव अन्त ।।३।।

मुमा जब भर्छ उदरै ल उत्स ।
रहे अब एक तनमा नि वत्स ।।
भयो मनमा नि सब झैं बुभुत्सु ।
उतार उछाल अब त्यैं छ अस्तु ।।४।।

छ ज्ञान सदैव मनका बुभुक्षु ।
उपाय सिकिन्छ सब ती मुमुक्षु ।।
छ आर्जित धेर जगकै प्रभूति ।
अपार छ हेर तनकै विभूति ! ।।५।।

छन्दःत्रिपुराहिउँ चुली
गणः ज ज स ज
संकेतः ।ऽ। ।ऽ। ।।ऽ ।ऽ।
यतिः ६ अक्षरमा