हामी सबैकाे संसारन्यूज

पवन कुमार बुढाथोकी, काठमाडौं

१
दुई चार जनाले हो मा हो भन्दिनु पर्छ मातिन्छ मान्छे
दुई जनाले उस्का कुरा काटिदिनु पर्छ आतिन्छ मान्छे
यस्तै त लाग्छ मान्छेका बहुरङ्गी र अस्थिर स्वभाव,
कहिलेकाँहि त विवेक सून्य भएर नै पो पातिन्छ मान्छे ।

२
काम खोज्न लै बिदेश पठाउनु लाजमर्दो
आफ्नाई भन्दा अरुलै सघाउनु लाजमर्दो
विप्रेषणनै मुख्य आय श्रोत मध्ये एक रे,
जताततै दलालै दलाल लगाउनु लाजमर्दो ।

३
हल्लै हल्लाले बिरामी भै थल्लियो मेरो देश
झनै बिकासको नाममा त डल्लियो मेरो देश
दाँयाबाँयाकाले सन्काई दिए पछि त झन अझै,
बतासिने पिङ्ग जस्तै गरि हल्लियो मेरो देश ।

४
शक्ति र पद भनेको त घुमिफिरी रुम्जाटार हो
कमजोर को हैन शक्तिशालीकै मौरीको घार हो
हाम्रो जस्तो पद्दतिको बिकास नभएको ठाँउमा त,
गर्ने र लाउनि चैँ सबैले आ आफ्नालाई पार हो ।

५
अरूका दुःख देखेर गोहीका जस्ता आँसु तिमीले चुहायौ
तिमीलेनै वास्ता नगरि जनतालाई रूहाउन सम्म रुहायौ
के यो मुलुक टाठाबाठाका मात्रै एकलौटी र बपौति हो ?
भन्नचैँ सबैलाई भन्यौ तर तिम्ले त आफन्त मात्रै खुहायौ ।