हामी सबैकाे संसारन्यूज

१६ चैत, काठमाडौँ । २०२२ को आईपिएलमा राजिस्थान रोयल्सले विजयी सुरुवात गरेको छ । राजस्थानले आफ्नो पहिलो खेलमा सनराईजर्स हैदरावादलाई ६१ रनले पराजित गरेको हो ।

टस हारेर पहिले ब्याटिङ्ग गरेको राजस्थानले २० ओभरमा ६ विकेट गुमाएर २१० रन बनाएको थियो । राज्सथानका लागि कप्तान सैमसनले ब्याटिङ्गमा २७ बलमा ५५ रनको विस्फोटक पारी खेलेका थिए भने हैदरावादका लागि बलिङ्गमा उमरान मलिकले सर्वाधिक २ विकेट हात पारेका थिए ।

२११ रनको विशाल लक्ष्य पछाएको हैदरावादले २० ओभरमा ७ विकेट गुमाएर १४९ रन मात्र बनाउन सक्यो । हैदरावादका लागि एडन माक्रमले ४१ बलमा ५७ रनको पारी खेले पनि टिमलाई जित भने दिलाउन सकेनन् । राजस्थानका लागि बलिङ्गमा युजवेन्द्र चाहलले सर्वाधिक ३ विकेट लिएका थिए ।

जितसँगै राजिस्थानले पहिलो खेलबाट २ अकं जोडेको छ ।