Sansar News
काठमाडौं । पछिल्लो २४ घण्टामा २३ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ६,९०९ नमुना परीक्षणमा २३ जना कोरोना संक्रमित थपिएका हुन् । आज थपिएका २३ जनासँगै नेपालमा हालसम्म कोरोना संक्रमित हुनेको संख्या ९ लाख ७८ हजार ४७५ पुगेको छ ।
त्यसैगरी आज संक्रमणबाट मुक्त भएका ६६ जनासँगै हालसम्म ९ लाख ६५ हजार ६२५ जना संक्रमणबाट मुक्त भइसकेका छन् ।
त्यस्तै नेपालमा हालसम्म कोरोनाबाट ज्यान गुमाउनेको संख्या ११ हजार ९५१ पुगेको छ ।
नेपालमा हाल ८९९ जना सक्रिय संक्रमित रहेका छन् । ती मध्ये ८५८ जना होम आइसोलेशन र संस्थागत आइसोलेशनमा ४१ जना रहेका छन् । साथै आइसीयुमा १५ र २ जनाको भेन्टिलेटरमा उपचार भइरहेको छ ।
नेपालमा पछिल्लो २४ घण्टामा ३० हजार ४४८ जनाले कोरोना विरुद्धको खोप लगाएका छन् ।
निरन्तर घट्दै कोरोना संक्रमित, ३३६० नमुना परीक्षणमा ११ जना संक्रमित
वि.सं.२०७८ चैत २० आइतवार १७:०६ मा प्रकाशित
