Sansar News
काठमाडौं । सत्तारुढ गठबन्धन दलको बैठक बस्दैछ ।
आज बिहान ९ बजे प्रधानमन्त्री निवास बालुवाटारमा बस्ने बैठकमा स्थानीयतहको निर्वाचनमा तालमेल गर्ने विषयमा टुंगो लगाउने बताइएको छ ।
आइतबार दिउँसो कांग्रेसका वरिष्ठ नेता तथा गठबन्धनको निर्वाचन तथा अनुगमन समितिका संयोजक रामचन्द्र पौडेलको नेतृत्वमा बसेको समितिको बैठकले निर्वाचनमा तालमेलको मोडालिटी बनाउने जिम्मा शिर्ष नेताहरुलाई दिने निर्णय गरेको थियो ।
बैठकले जिल्ला तहबाट आएका प्रतिवेदन तथा सुझावमाथि छलफल गर्दै त्यसलाई शिर्ष नेतृत्वको बैठकमा पेश गर्ने निर्णय समेत गरेको थियो ।
गठबन्धनबीच निर्वाचनमा तालमेल गर्ने निर्णय भएपनि भागबण्डाको टुंगो लागिसकेको छैन ।
गठबन्धन निर्वाचन तयारी समितिको बैठक, निर्वाचनको ढाँचा टुंगो लगाउने जिम्मा शिर्ष नेतालाई
वि.सं.२०७८ चैत २८ सोमवार ०८:२५ मा प्रकाशित
