Sansar News
काठमाडौं । सेन्चुरी कमर्शियल बैंकले ऋणपत्र आजदेखि बिक्रि खुला गरको छ । बैंकले १ हजार अंकित दरको २२ लाख कित्ताले हुन आउने २ अर्ब २० करोड बराबरको ऋणपत्र निष्काशन गरेको हो ।
जस मध्ये १३ लाख २० हजार कित्ता निजि अर्थात् व्यक्तिगत तवरले बिक्रि गरिने र ८ लाख ८० कित्ता सर्वसाधारणलाई बिक्रि गरिने बैंकले जनाएको छ । सर्वसाधारणलाई छुट्याईएको ८ लाख ८० हजार कित्ता मध्ये १० हजार कित्ता सामुहिक लगानी कोषको लागि बाँडफाँड गरिएको छ । बैंकको ऋणपत्र निष्काशनका लागि ग्लोबल आईएमई क्यापिटल बिक्रि प्रबन्धक रहेको छ ।
यस ऋणपत्रका लागि छिटोमा बैशाख २५ गते र ढिलोमा जेठ ४ गतेसम्ममा आवेदन दिन सकिने छ । न्युनतम २५ कित्ता र अधिकतम ८ लाख ७० हजार कित्तासम्मको लागि आवेदन दिन सकिने छ । बैंकले १० वर्षे अवधिको यस ऋणपत्रमा १०.५० प्रतिशत ब्याज प्रदान गर्ने जनाएको छ ।
वि.सं.२०७९ वैशाख २१ बुधवार १४:०८ मा प्रकाशित
