हामी सबैकाे संसारन्यूज

काठमाडौं । नेपाल राष्ट्र बैंकका कार्यकारी निर्देशक तथा भुक्तानी प्रणाली विभागका प्रमुख गुरु प्रसाद पौडेलले इनोभेसनको सुरुवात गर्दा लगानीको सुरक्षा र कानुनी जटिलताको विषयमा ध्यान दिनुपर्ने बताएका छन् । निर्देशक पौडेलले नेपाल इन्ष्टिच्युट अफ कम्पनी सेक्रेटरीले आयोजना गरेको अन्तर्क्रिया कार्यक्रममा यस्तो बताएका हुन् ।

निर्देशक पौडेलले विश्वभरिको प्रचलन नै इनोभेसन र रेगुलेसनमा जहिले पनि इनोभेसन अघिपछि हुने गरेको बताए । उनले नयाँ व्यवसायको लागि विदेशमा लगानी गर्न नदिने ऐन अहिले पनि कायम रहेकोले नेपालको लगानी विदेश लान नमिल्ने बताए ।

नेपालमा ‘फिनटेक’ कानुनी र नियामकीय व्यवस्थाको सम्भावना र चुनौती विषयक उक्त कार्यक्रमलाई सम्बोधन गर्दै निर्देशक पौडेलले विदेशी लगानीका सम्बन्धमा नीतिगत व्यवस्था नै परिमार्जन गर्दै स्वीकृतिका लागि राष्ट्र बैंकमा अनुमति नचाहिने बताए ।