Sansar News
काठमाडौं । आदर्श लघुवित्त वित्तीय संस्थाले साधारण सेयर(आइपीओ) निष्काशन अनुमति पाएको छ । नेपाल धितोपत्र बोर्डले हिजो जेठ १० गते मंगलबार कम्पनीलाई आईपीओ निष्काशनको लागि अनुमति दिएको हो ।
बोर्डबाट अनुमति पाएसँगै लघुवित्तले ६७ लाख बराबरको जम्मा ६७ हजार कित्ता शेयर सर्वसाधारणको लागि निष्काशन गर्ने छ । आदर्श लघुवित्तको शेयर निष्काशनको लागि बि.ओ.के. क्यापिटल बिक्रि प्रबन्धक रहेको छ ।
लघुवित्तले शेयर निष्काशनको लागि अनुमति माग गर्दै गत असोज २० गते बोर्डमा आवेदन दिएको थियो । लघुवित्तको केन्द्रिय कार्यालय काभ्रेको बनेपामा रहेको छ ।
वि.सं.२०७९ जेठ ११ बुधवार १२:४३ मा प्रकाशित
