हामी सबैकाे संसारन्यूज

सानफ्रान्सिस्को । लामो समयदेखि घरखरिद बिक्रि (रियल स्टेट )ब्यवसायमा संलग्न नेपाली युवा ब्यवसायी अनिलबाबु अर्यालले क्यालिफोर्नियाको ओकल्याण्डस्थित लिंकन युनिभर्सिटी (बिश्व बिद्यालय)वाट मानार्थ विद्याावारिधि पिएचडी उपाधी हासिल गरेका छन् ।

ब्यवसायी अर्यालले नेपाली समुदायमा घर खरिद बिक्रि (रियल स्टेट )ब्यवसाय मार्फत नेपाली समुदायमा पुर्याएको योगदान र सहयोगको कदर स्वरुप सो पिएचडी उपाधी दिइएको बिश्वबिद्यालयले जनाएको छ ।

हरेक विधामा उत्कृट योगदान पुर्याउनेहरुलाई सो बिश्वबिद्यालयले विद्या वारिधि (पिएचडी) को उपाधी प्रदान गर्दै आएको छ । बाणिज्य प्रशासन (विजनेश एडमिनिष्ट्रेशन)मा मानार्थ बिद्या वारिधि (पिएडी) उपाधी प्राप्त गर्ने अर्याल पहिलो नेपाली व्यवसायी हुन् ।
अमेरिकाको होम स्न्याप कम्पनीले गरेको सर्वेक्षणको शीर्ष ५ प्रतिशतमा अर्यालको नाम प्रकाशित भएको थियो । सोही आधारमा लिंकन विश्वबिद्यालय (युनिभर्सिटी)ले उनलाई विद्यावारिधीको लागि छनौट गरेको थियो ।

विद्यावारिधी उपाधी पाउनु गौरवको विषय भएको बताउदै ब्यावसायी अर्यालले आफूलाई यसवाट थप उत्साह र प्रेरणा मिलेको बताए । ‘यो मेरो ब्यक्तिगत सफलता मात्र नभई नेपाल र नेपाली समुदायको कदर र सम्मान पनि हो, नेपाली समुदायको निम्ति अझ धेरै काम गर्ने प्ररणा मिलेको छ’, अर्यालले भने ।

स्यानफ्रान्सिस्को विश्वबिद्यालयका सहप्राध्यापक डा टीका लम्सालले नेपाली व्यवसायीलाई विश्वबिद्यालयको बिद्यावारिधि उपाधि प्रदान गर्नु ब्यक्तिको मात्र नभई नेपाली समुदायको लागि निकै खुसि र गौरवको विषय भएको बताए ।

सन् १९८७ मा गोरखामा जन्मेका अर्याल उच्च शिक्षा अध्ययनको लागि २००७ मा अमेरिकाको पश्चिम भर्जिनिया आएका थिए । उनले त्यहाँको माउण्टेन युनिभर्सिटी (बिश्व बिद्यालय )र पछि क्यालिफोर्निया स्टेट युनिभर्सिटी इष्टवेवाट वायोकेमेष्ट्री र विजनेश एडमिनिष्ट्रेशन (बाणिज्य प्रशासन)को अध्ययन पूरा गरेका गरेका थिए ।

सन् २०१६ देखि घरखरिद बिक्रि (रियलस्टेट) व्यवसायमा संलग्न अर्याल क्यालिफोर्नियामा सफल र नेपालीहरुविच लोकप्रिय युवा व्यावसायीको रुपमा परिचित छन् ।

उत्कृट ब्यवसायी भए वापत उनलाई सन् २०२१ मा इष्ट बे एशोसिएसन अफ रियल्टर्सले गोल्ड क्लव अवार्ड (स्वर्ण पदक पुरस्कार)र सन् २०१८ ,२०२० टप प्रोड्युसर (उत्कृष्ट उत्पादक )अवार्डवाट पुरस्कृत गरेको थियो । अर्याल विगत ७ वर्षदेखि घरखरिद बिक्रि ब्यवसायमा संलग्न छन् ।