Sansar News
काठमाडौ । असारदेखि सेयर बजार सातामा ६ दिन नै खुल्ने भएको छ । सेयर बजार सञ्चालक नेपाल स्टक एक्सचेन्ज (नेप्से)ले असारदेखि आइतबार र शुक्रबारसमेत गरि ६ दिन नै खुलाउने तयारी गरेको हो ।
नेप्सेका उपमहानिर्देशक निरञ्जन फुयाँलले बजार ६ दिन नै खुलाउने गरि छलफल भइरहेको जानकारी दिएका छन् । उनका अनुसार आइतबार र शुक्रबारसमेत कारोबार दिन थप्ने विषयमा छलफल चलिरहेको छ ।
बताइएअनुसार सोमबार बस्ने बैठकबाट कति दिने कारोबार गर्ने भन्ने विषयमा निर्णय हुनेछ ।
लगानीकर्ताले लामो समयदेखि नै कारोबार दिन बढाउन माग गर्दै आएका थिए । आइतबार सार्वजनिक बिदा दिने निर्णयबाट सरकार पछि हटेसँगै कारोबार दिन बढाउने विषयमा दबाब बढेको थियो ।
यसअघि आइतबारदेखि बिहीबारसम्म मात्रै सेयर कारोबार हुने गरेको थियो । तर, सरकारले शनिबार र आइतबार दुबै दिन सार्वजनिक बिदा दिने निर्णय गरेसँगै नेप्सेले पनि आइतबार बिदा दिएको थियो ।
वि.सं.२०७९ जेठ ३० सोमवार ०७:३१ मा प्रकाशित
