Sansar News
आर्यश शर्मा घिमिरे, ललितपुर
१.【 मिथ्या 】
एउटा पत्थरको रंग पखालें
अर्को पत्थरमा रंग दलिदिएँ
मैले मन्दिर र सौचालयको पत्थर साँटिदिएँ
भन, अब तिम्रो ईश्वर कहाँ छ ?
२.【 ब्याख्या 】
उसले ईश्वर मान्दिन भन्नासाथ
उसलाई –
एउटाले बैज्ञानिक भन्यो,
अर्कोले बौलाहा भन्यो ….
र केहिले…
उसैलाई ईश्वर भनिदिए । ।
३.【ढुङ्गा र मान्छे 】
माटो मुछेर
ढुङ्गा कुँदेर
मान्छे देवता बनाउँछ
अनि आफैँलाई –
‘यो ढुङ्गामाटाले बनेको शरीर हो’
यसलाई देवताले बनायो भन्दै भन्दै हिँड्छ
‘ढुङ्गा’
बन्ने थिएन ‘देवता’
‘मान्छे’ नभएको भए ।
वि.सं.२०७९ असार ११ शनिवार ०४:५८ मा प्रकाशित
