हामी सबैकाे संसारन्यूज

पवन कुमार बुढाथोकी, काठमाडौं

१
ऋण लिन समेत सहर बजारको घर जग्गा चाहिने रे
कृषिगर्ने भूमि धितो राखेर काम गर्न ऋण नपाइने रे
प्रगतिशील र अग्रगामी सरकार के सामन्तिको मात्रै हो
विपन्न,निमुखा र गरिवका माग पुरा गर्ने तर्फ नजाइने रे ।

२
जनताले तिरि हाल्छन जसरी नि यहाँ कर
अफिसको हाकिमलाई के को छ र धेरै डर
विदामा डुल्न मुफ्ति सरकारी छदैंछ गाडी
उस्ले नमारे कस्ले मार्छ त मौकामा मिठो तर ।

३
के हो स्वर्ग कस्तो हुन्छ हामिले देख्ने नरक
फूलमा पनि आउन थाल्यो हेर्नुस नराम्रो हरक
अरुको सेवा गर्छु भन्नेले नै बाटो बिराए पछि
नेता र सर्वसाधारणमा के भयो त धेरै फरक ।

४
कोहि आए पनि केहि हुँदैन यहाँ तातो न छारो
कसैका ताल देखेर मान्छेका तातेको कम्पारो
जावो फोहर त अझै सम्म उठाउन सकेका छैनन
यस्तै चाला हो भने त लठ्ठिले ढलाउछन है तारो ।

५
पाँच महिनामानै पाँचलाख भन्दा बढिले देश छोडे रे
आफ्ना लक्ष्य र गन्तव्यलाई अन्तैतिर पो उन्ले मोडे रे
आफ्नै देसमा भएभरका शक्ति र उर्जा खर्चिनु पर्नेमा
आफ्नोमा कामनै नपाई अन्तैका बाली नाली गोडे रे ।