हामी सबैकाे संसारन्यूज

राजेन्द्रकुमार बज्राचार्य
कोटेश्वर, काठमाडौं

छ सृष्टिको आधा अङ्ग ।
भनिन्छ है नारी रङ्ग ।।
अठोट त्यो धर्ती संग ।
भई यहाँ साह्रै दङ्ग ।।१।।

मिठास तिम्रो मुस्कान ।
दिएर राख्छौ सम्मान ।।
हियो छ साह्रै मैदान ।
हुँदैन कैले हैरान ।।२।।

अभाव जैले खेपेर ।
बिताउँदै छौ हाँसेर ।।
ल दुःखको यो संसार ।
भुलेर गर्छौं उद्धार ।।३।।

कहाँ रहे तिम्रा स्वार्थ ?
नखेप्नु है गाली व्यर्थ ।।
नछोड दोषी संकेत ।
प्रभाव होस् झैं लाकेट ।।४।।

छ मातृ आत्मा अन्जान ।
पराग रोपी उद्यान ।।
फुलाइ फूलै सन्तान ।
दिएर शिक्षा मिष्ठान्न ।।५।।

छन्द : समन्त
गण : ज म गु ल
संकेतः ।ऽ। ऽऽऽ ऽ ।
यति : पादान्त ।