प्रेमा दाहाल, सिदिङ्वा, ताप्लेजुङ
कतै एकान्तमा देखें तपस्यामा बसेको थ्यो
निधारैमा बहुत् रेखा खरानीको घसेको थ्यो ।
दुवै आँखा खुवै चिम्ली थियो एकाग्रमा योगी
गुजुल्टो केसराशीमा जटामाला कसेको थ्यो ।
परी नाच्दै थिइन् होला अँध्यारो जिन्दगी भित्र
कसैको मोह मायाले उसैलाई डसेको थ्यो ।
नभन्नू हेर साथी त्यो भिखारी छैन मायामा
कसैको प्रेम मायामा बिछट्टै ऊ फसेको थ्यो ।
र मायामा हुँदा धोखा भयो ऊ आज सन्यासी
बहेको शुद्ध पानीमा थुँगा यौटा खसेको थ्यो ।
बहर : हजज मुसम्मन सालिम
१२२२८४ = १६ अक्षर
वि.सं.२०७९ असार ११ शनिवार ०५:०२ मा प्रकाशित
