प्रदीप राज श्रेष्ठ ‘पृथक’
महालक्ष्मी नपा, ललितपुर
हजुरले जे भनेनी मान्छु भन्थ्यौ नी सानू
मलाई जहाँ लगेनी जान्छु भन्थ्यौ नी सानू
खै ! त ?आजभोलि बोल्न पनि छोड्यौ नी
मायाले जे दिएनी खान्छु भन्थ्यौ नी सानू
किन पराइ हुन थाल्यौ मैले बुझ्न सकिन ?
हजुरलाई त आफ्नै ठान्छु भन्थ्यौ नी सानू
कैले हो आफ्नो बनाइ लाने हजुरको घरमा
सारा व्यबहार मैले धान्छु भन्थ्यौ नी सानू
खै त ! पृथकलाई दिएका बचनहरु कहाँ गए ?
हजुरलाई असीम चाहान्छु भन्थ्यौ नी सानु
वि.सं.२०७९ असार २५ शनिवार ०९:२७ मा प्रकाशित