Sansar News
काठमाडौं । रिलायन्स लाईफ इन्स्योरेन्स लिमिटेड र सानिमा लाईफ इन्स्योरेन्स लिमिटेड मर्ज हुने भएका छन् । आज (असार २९ गते) विहान दुई कम्पनीबीच मर्जर सम्झौता भएको हो ।
उक्त समझदारी पत्रमा रिलायन्स लाईफ इन्स्योरेन्सका तफबाट संचालक भरत कुमार तोदी र सानिमा लाइफ इन्स्योरेन्सका तर्फबाट संचालक घनश्याम थापाले हस्ताक्षर गरेका छन् । मर्जर सम्झौता गरेसँगै नेप्सेमा दुवै कम्पनीको शेयर कारोबार रोक्का हुने भएको छ ।
बीमा समितिले बीमा कम्पनीहरुले पुँजी वृद्धि गर्ने नीति ल्याए पछि बीमा कम्पनीहरुले मर्जरको लागि सम्झौता गरिरहेका छन् । बीमा समितिले आगामी चैत मसान्तभित्र जीवन बीमा कम्पनीले ५ अर्ब चुक्ता पुँजी पुर्र्याउनु पर्ने निर्देशन जारी गरेको छ । त्यस्तै निर्जीवन बीमा कम्पनीले २ अर्ब ५० करोड पुँजी पुर्याउनु पर्ने छ ।
वि.सं.२०७९ असार २९ बुधवार १३:४८ मा प्रकाशित
