हामी सबैकाे संसारन्यूज

हेलसिन्की । फिनल्यान्ड युरोपेली सङ्घ (ईयू) डिजिटल कार्यसम्पादन तुलनामा पहिलो स्थानमा रहेको फिनल्यान्ड सरकारले बिहीबार जारी गरेको प्रेस विज्ञप्तिमा उल्लेख छ ।

युरोपेली आयोगको वार्षिक डिजिटल इकोनोमी एन्ड सोसाइटी इन्डेक्स (डीईएसआई) तुलनामा अधिकतम स्कोर १०० छ, र फिनल्याण्डको स्कोर यस वर्ष ६९ दशमवल ६ छ । ईयूको औसत ५२ दशमलव तीन छ । फिनल्यान्डले डेनमार्क, नेदरल्यान्ड र स्वीडेनलाई पछि पारेको छ ।

डीईएसआईले २०१४ देखि ईयू सदस्य राष्ट्रहरूको डिजिटल कार्यसम्पादनको अनुगमन गरेको छ । फिनल्यान्डले २०१९ र २०२० मा पहिलो र २०२१ मा दोस्रो स्थानमा, धेरै वर्षदेखि सूचीको शीर्ष स्थानमा रहेको छ ।

फिनल्यान्डको निरन्तर सफलताले प्रमाणित गर्छ कि “डिजिटलाइजेसनको दिशामा काम प्रशासनिक सिमानामा प्रभावकारीरूपमा भइरहेको छ र सबैका लागि दिगो भविष्य सिर्जना गर्न प्रविधि र सूचनाको प्रयोग भइरहेको छ,” सरकारी प्रेस विज्ञप्तिमा भनिएको छ । (रासस\सिन्ह्वा)