हामी सबैकाे संसारन्यूज

काठमाडौं । जनार्दन शर्मा पुनः अर्थमन्त्री बन्ने भएका छन् । माओवादी केन्द्रका अध्यक्ष पुष्पकमल दाहाल प्रचण्डले आइतबार बिहान प्रधानमन्त्री शेरबहादुर देउवालाई भेटेर शर्मालाई नै नियुक्त गर्न सिफारिस गरेका हुन् ।

बताइएअनुसार उनलाई आज नै सपथ ग्रहण गराउने तयारी छ ।

बजेट निर्माणको क्रममा अनधिकृत व्यक्तिको प्रवेश गराई करको दर हेरफेर गरेको विषय बाहिरिएपछि शर्मामाथि छानबिन गर्न संसदीय समिति गठन भएको थियो । शर्माले संसदीय समिति गठन भएसँगै पदबाट राजीनामा दिएका थिए ।

तर, संसदीय समितिले उनीमाथि लागेको आरोपमा प्रमाण नभेटिएको निष्कर्षसहित शुक्रबार प्रतिवेदन बुझाएको छ । समितिले क्लीन चिट दिएसँगै उनलाई पुनः नियुक्ती गर्न लागिएको हो । अध्यक्ष प्रचण्डले यसअघि नै अर्थमा शर्मा फेरि फर्किने बताएका थिए ।