हामी सबैकाे संसारन्यूज

काठमाडौं । ‘दशवर्षे जनयुद्ध र १९ दिने दोश्रो जनआन्दोलनबाट प्राप्त गणतन्त्र पनि पुष्पलालकै बाटोको परिणाम भएको माओवादी नेता दीनानाथ शर्माले बताएका छन् ।

प्रधानशत्रु र गौण शत्रु छुट्याउने तथा मित्रको घेरा फराकिलो पार्ने पुष्पलालको परिपक्व सोँचलाई आफ्नो पार्टीको दोश्रो राष्ट्रिय सम्मेलनले महत्वका साथ आत्मबोध गरेको स्मरण गर्दै नेपाली कांग्रेसका नेता गिरीजा प्रसाद कोइराला र एमालेका तत्कालीन महासचिव माधवकुमार नेपाल तथा विभिन्न राजनैतिक शक्ति र परिर्वतनकारी जनताको बलमा अध्यक्ष प्रचण्डको नेतृत्वबाट गणतन्त्र प्राप्त भएको उनले बताएका थिए ।

कम्यु्निष्टहरुका लागि गणतन्त्र सबै कुरो नभए पनि यहाँसम्मको प्राप्तिका लागि धेरै शक्तिहरुको एकता र सहकार्य भएको उनले बताएका थिए ।

दक्षिणपन्थी र प्रतिगामी शक्तिहरु विभिन्न बहानामा सल्बलाईरहेको सन्दर्भमा पुष्पलालको एकता र सहकार्यको नीति अहिले पनि सान्दर्भिक रहेकोले सबै पार्टी र नेताहरु गम्भीर हुनुपर्नेमा नेता शर्माले जोड दिएका थिए ।

पुष्पलाल अध्ययन समाजका अध्यक्ष लोककृष्ण भट्टराईको सभापतित्वमा सम्पन्न सो कार्यकममा, नेकपा मालेका महासचिव सिपी मैनाली, एमाले उपाध्यक्ष युवराज ज्ञवाली, नेकपा (क्रान्तिकारी माओवादी)का सिपी गजुरेल, मानध्वज गुरुङ, किशन शर्मा, नारायणशर्मा लगायतका वक्ताहरुले बोलेका थिए ।