हामी सबैकाे संसारन्यूज

काठमाडौं । आइएमई पेबाट चन्द्रागिरि नगरपालिकाको कर भुक्तानी गर्न सकिने भएको छ । आइएमई पेमार्फत नगरपालिकाको कर सजिलै भुक्तानी गर्न सकिने भएको हो ।

नगरपालिकाले आइतबार एक विशेष कार्यक्रमको आयोजना गरी विद्युतीय कर भुक्तानी(ई-पेमेन्ट) सेवा शुरु गरेको हो ।

कम्पनीका अनुसार नगरपालिकाले विद्युतीय कर भुक्तानी(ई-पेमेन्ट) सेवा शुभारम्भ गरेसँगै नगरपालिकाका सेवाग्राहीहरुले आइएमई पे एप डाउनलोड गरी आइएमई पे एप मार्फत वा नगरपालिकाको वेब पोर्टलमा गएर आइएमई पे मार्फत घर बहाल कर, सम्पति कर र व्यवसायिक कर तिर्न भुक्तान गर्न सक्ने छन् ।

उक्त कार्यक्रममा नगरप्रमुख घनश्याम गिरीले बिज्ञान प्रविधिको युगमा नगरपालिकाले शुरु गरेको विद्युतीय कर भुक्तानी (ई-पेमेन्ट) सेवाले आम सेवाग्राहीहरुलाई नगरपालिकाको कर भुक्तानी गर्न सजिलो मात्र नभई संसाधनको समेत बचत हुने र नगरपालिका र वडाहरुमा सेवाग्राहीहरुको चाप पनि कम हुने बताए । उनले सबै वडाका प्रतिनिधि तथा कर्मचारीहरु यो सेवाको प्रवर्द्धन गर्न लागि पर्नु पर्ने बताए ।