Sansar News
अमेरिका । ह्योल्मो सोसाइटी अफ अमेरिकाले न्युयोर्कको उडसाइडस्थित ह्योल्मो सोसाइटीको कार्यालयमा रक्तदान कार्यक्रम आयोजना सम्पन्न गरेको छ ।
न्यूयोर्कमा रहेका नेपाली समुदायलाई सामाजिक योगदान पु¥याउनुका साथै रगत अभावमा समस्यामा परेका व्यक्तिको जीवन बचाउन सहयोग पुगोस् भनेर रक्तदान कार्यक्रम आयोजना गरिएको संयोजक तथा सोसाइटीका उपाध्यक्ष एवं फिप्नाका रिजनल भाइस प्रेसिडेन्ट माया लामाले जानकारी दिएकी छन् ।
कार्यक्रममा ह्योल्मो सोसाइटीका अध्यक्ष ढुण्डुप लामा ह्योल्मो, उपाध्यक्ष लामा, कार्य समितिका अन्य पदाधिकारीहरु, विभिन्न सामाजिक संघसंस्थाका प्रतिनिधीहरु सहित ५० जनाले रक्तदान गरेका थिए । सोसाइटीका अध्यक्ष ढुण्डुप लामा ह्योल्मोले कार्यक्रममा सहभागी रक्तदाताहरुलाई धन्यवाद दिंदै प्रशंसापत्र वितरण गरेका थिए ।
कार्यक्रममा प्रवासी नेपाली एकता मञ्च न्यूयोर्क च्याप्टरका राज्य कमिटी कोषाध्यक्ष उमा तामाङ, फिप्नाका महिला भाइस प्रेसिडेन्ट छोन्जोम लामा, फिप्नाका सहकोषाध्यक्ष दिपक चौधरीलगायत विभिन्न संघसंस्थाका प्रतिनिधीहरु सहभागी भई कार्यक्रम सफल बनाउन योगदान गरेकोमा आयोजकले सहभागी सबैलाई धन्यवाद व्यक्त गरे ।
पछिल्लो समय विभिन्न समुदायका संस्थाहरुले मानवीय सेवालाई मध्यनजर गरी रक्तदान कार्यक्रम आयोजना गर्दै आएको छ ।
उक्त रक्तदान कार्यक्रममा ५० पिन्ट रगत संकलन गरिएको बताइएको छ ।
वि.सं.२०७९ साउन २५ बुधवार १२:५३ मा प्रकाशित
