Sansar News
काठमाडौं । पछिल्लो २४ घण्टामा कोरोनाबाट थप २ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा विभिन्न अस्पतालमा उपचाररत रहेका २ जनाको मृत्यु भएको हो । आज थपिएका २ जनासँगै नेपालमा हाल कोरोनाबाट ज्यान गुमाउनेको संख्या १२ हजार ७ पुगेको छ ।
त्यस्तै पछिल्लो २४ घण्टामा गरिएको ३,५३७ नमुना परीक्षणमा २०० जनामा कोरोना संक्रमण पुष्टि भएको हो । आज थपिएका २०० जनासँगै नेपालमा हालसम्म ९ लाख ९७ हजार ७५२ जना कोरोनाबाट संक्रमित भइसकेका छन् ।
त्यस्तै आज निको भएका थप ३३९ जनासँगै नेपालमा हालसम्म कोरोनाबाट निको हुनेको संख्या ९ लाख ८३ हजार १०३ पुगेको छ ।
नेपालमा हाल २ हजार ६४२ जना सक्रिय संक्रमित रहेका छन् । ती मध्ये होम आइसोलेशनमा २,४९४, सस्थागत आइसोलेशनमा १४८, आइसीयुमा ३९ र भेन्टिलेटरमा ६ जनाको उपचार भइरहेको छ ।
पछिल्ला केही दिनयता नेपालमा कोरोनाबाट संक्रमित हने भन्दा निको हुनेको संख्या बढी रहेको छ ।
वि.सं.२०७९ भदौ १८ शनिवार १७:५३ मा प्रकाशित
