Sansar News
काठमाडौं । पछिल्लो २४ घण्टामा कोरोनाबाट थप १४२ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ३,४५० नमुना परीक्षणमा १४२ जनामा कोरोना संक्रमण पुष्टि भएको हो । आज थपिएका १४२ जनासँगै नेपालमा हालसम्म ९ लाख ९७ हजार ८६८ जना कोरोनाबाट संक्रमित भइसकेका छन् ।
त्यस्तै आज निको भएका थप २३० जनासँगै नेपालमा हालसम्म कोरोनाबाट निको हुनेको संख्या ९ लाख ८३ हजार ३३३ पुगेको छ ।
त्यस्तै पछिल्लो २४ घण्टामा विभिन्न कोरोनाबाट मृत्यु हुनेको संख्या शून्य रहेको छ । नेपालमा हालसम्म कोरोनाबाट ज्यान गुमाउनेको संख्या १२ हजार ७ रहेको छ ।
नेपालमा हाल २ हजार ५२८ जना सक्रिय संक्रमित रहेका छन् । ती मध्ये होम आइसोलेशनमा २,३८५, सस्थागत आइसोलेशनमा १४३, आइसीयुमा ३८ र भेन्टिलेटरमा ४ जनाको उपचार भइरहेको छ ।
पछिल्ला केही दिनयता नेपालमा कोरोनाबाट संक्रमित हने भन्दा निको हुनेको संख्या बढी रहेको छ ।
वि.सं.२०७९ भदौ १९ आइतवार १६:४३ मा प्रकाशित
