हामी सबैकाे संसारन्यूज

काठमाडौं । काठमाडौं महानगरपालिकाले व्यापारिक क्षेत्र असनका अनधिकृत संरचना हटाउन सुरु गरेको छ । महानगरले दिएको अल्टिमेटमलाई वेवास्ता गरिएपछि महानगरले बल प्रयोग गरेरै हटाउन थालेको हो । महानगरले आइतबार २४ घण्टे समय सीमा राखेर अनधिकृत संरचना हटाउन भनेको थियो ।

महानगरको टोलीले फुटपाथ मिचेर सञ्चालनमा ल्याइएका पसलहरुलाई नियन्त्रणमा लिएको छ भने अनधिकृत रुपमा बनाइएका संरचना हटाउन थालेको छ ।

काठमाडौं महानगरको नगर प्रहरी प्रमुख राजु पाण्डेका अनुसार इन्द्रचोकदेखि असन क्षेत्रका फुटपाथ र अनधिकृत संरचना हटाउन थालिएको छ । उनले बताएअनुसार आज विशेषगरी फुटपाथ खाली गरिने र भोलीदेखि अनधिकृत रुपमा बनेका संरचना हटाइन सुरु गरिनेछ ।

महानगर एक्सन उत्रिएको प्रति व्यवसायीहरुले भने आक्रोश पोखेका छन् । उनीहरुले महानगरले ज्यादती गरेको बताएका छन् ।

आफैंमा साँघुरा असनका गल्लीहरुमा फुटपाथ पसल राखिएसँगै मानिसहरुलाई आउजाउ गर्नसमेत समस्या हुने गरेको छ । सांस्कृतिक महत्वको रुपमा रहेको उक्त क्षेत्रमा बनेका कतिपय ऐतिहासिक संरचनालाई समेत व्यवसायीले कब्जामा लिएका छन् । जसलाई महानगरले खाली गराउने तयारी गरेको छ ।

सम्बन्धित समाचार

महानगरको अर्को एक्सन : मन्दिर र सम्पदाबाट हट्ने भयो अवैध व्यापार