Sansar News
काठमाडौं । प्रभु बैंक र नेपाल एल.पि. ग्याँस उद्योग संघबिच बैंकिङ्ग सेवा विस्तार गर्ने सम्बन्धी सम्झौता भएको छ ।
सम्झौतामा बैंकका तर्फबाट प्रमुख कार्यकारी अधिकृत अशोक शेरचन र नेपाल एल. पि. ग्याँस उद्योग संघका तर्फबाट निवर्तमान अध्यक्ष गोकुल भण्डारीले हस्ताक्षर गरेका छन् ।
सम्झौता अनुसार बैंकले संघमा आवद्ध सदस्यहरुलाई नेपाल आयल निगम बाट एल.पि. ग्याँस खरिद र ढुवानी प्रयोजनका लागी पर्चेज डेलिभरी अर्डर जारी गर्न गैर कोषमा आधारित बैंक जमानत कर्जा एवं अन्य सुविधाहरु उपलब्ध गराउने छ । साथै, संघका सम्पूर्ण सदस्यहरुले प्रभु बैंकमा खाता खोली बैंकिङ्ग कारोबार गर्ने छन् ।
उक्त संझौता पश्चात संघका सदस्यहरु लाभान्वित हुने बिश्वास बैकले लिएको जनाएको छ ।
वि.सं.२०७९ भदौ २८ मंगलवार १३:१८ मा प्रकाशित
