Sansar News
भुपाल अधिकारी, बिराटनगर, मोरङ
देश जलेर के भो
सिंगमरमरका महलभित्र शितलता नै छ
गरीबलाई आगोले पोलुन या जिउदै जलुन
ठूला ठूला होटल भित्र नव जंगबहादुर,
छदमभेषधारी, समाजसेवकहरुका ज्यूनार
चलिरहेछ
तिमीले नदेखेका हौ प्रजातन्त्र,
लोकतन्त्र, गणतन्त्र ? खुन नबगाएका हौ र
खै के मिल्यो तिमीलाई ?
अ मिल्नेलाई त मिलेकै छ
सात पुस्ता पुग्ने सम्पत्ति, कुर्सी र सत्ता
न कुनै तन्त्रले तिम्रो भाँडोमा चामल ल्यायो
न एक आङ लुगा, न अनुहारमा हाँसो
न जीवन बाँच्ने आधार
हो पक्कै ल्याएको छ
महगीं, बेरोजगारी, माफियातन्त्र..
वि.सं.२०७९ असोज १ शनिवार ०८:१२ मा प्रकाशित
