Sansar News
केशवप्रसाद ढकाल ’प्रीतबीज’, गोरखा
१
सुका चिन्नुपर्छ आना चिन्नुपर्छ
निसाब दिलाउन कहाँ हुन्छ र सजिलो
पाथी चिन्नुपर्छ माना चिन्नुपर्छ
२
छोरा चिन्नुपर्छ छोरी चिन्नुपर्छ
सम्बन्धलाई बलियो बनाउनु छ भने
तोरा चिन्नुपर्छ तोरी चिन्नुपर्छ
३
सालो चिन्नुपर्छ साली चिन्नुपर्छ
जिम्मेवारी बहन गर्ने सिलसिलामा
गोरी चिन्नुपर्छ काली चिन्नुपर्छ
४
दिदी चिन्नुपर्छ बैनी चिन्नुपर्छ
हुँदैन विश्वास यो दुनियाँमा कसैको
सुर्ती चिन्नुपर्छ खैनी चिन्नुपर्छ
५
माछा चिन्नुपर्छ मासु चिन्नुपर्छ
पाइयो भन्दैमा क्वाप्प खान हुँदैन साथी
सासू चिन्नुपर्छ आँसु चिन्नुपर्छ
वि.सं.२०७९ मंसिर २४ शनिवार ०९:०१ मा प्रकाशित
