हामी सबैकाे संसारन्यूज

काठमाडौं । नेपाली कांग्रेसले संसदीय दलको नेता चयनका लागि बुधबार निर्वाचन गर्ने भएको छ ।

पार्टीका सहमहामन्त्री तथा निर्वाचन समितिका संयोजक भीष्मराज आङ्देम्बेद्धारा जारी गरिएको सूचनामा भोली दिउँसो २ बजे मतदाता नामावली प्रकाशन, मतदाता नामावली उपर दावी विरोध २ः३० भित्रमा, दावी विरोध उपर जाँचबुँझ गरी अन्तिम नामावली प्रकाशन बेलुका ४ बजेभित्र गरिने सूचनामा उल्लेख गरिएको छ ।

त्यस्तै पर्सि पुस ५ गते बिहान ८ देखि १० बजेसम्म उम्मेदवारको लागि दरखास्त दिने समय तोकिएको छ भने उम्मेदवारको दरखास्त उपर दावी विरोध बिहान ११ बजेभित्रमा गर्न सकिने छ । साथै उम्मेदवारको अन्तिम नामावली दिउसो ३ गते सम्ममा प्रकाशन गरिने सूचनामा उल्लेखछ ।

त्यसैगरी उम्मेदवारका लागि दरखास्त शुल्क ५१हजार तोकिएको छ भने मतदान पुस ६ गते बिहान ८ देखि १० बजेसम्म नेता चयनका लागि मतदान हुनेछ । पार्टीले निर्वाचन कार्यक्रम प्रकाशित स्थान, मिति र समयभित्र मतदान क्षेत्रमा प्रवेश गरी लाइन लाग्न पनि मतदातालाई आग्रह गरेको छ ।

मंसीर ४ गते सम्पन्न निर्वाचनमा नेपाली कांग्रेसले प्रत्यक्ष तर्फ ५७ र समानुपातिक तर्फ ३२ सिट गरी जम्मा ८९ सिट प्राप्त गरेको छ । ती ८९ जनाले बुधबार मतदान मार्फत् संसदीय दलको नेत ाचयन गर्नेछन् । त्यसरी निर्वाचित दलका नेता प्रधानमन्त्रीको दावेदार बन्न पाउनेछन् ।