हामी सबैकाे संसारन्यूज

काठमाडौ । राष्ट्रिय स्वतन्त्र पार्टी (रास्वपा) का तीन मन्त्रीले प्रधानमन्त्री पुष्पकमल दाहाल ‘प्रचण्ड’ समक्ष राजीनामा बुझाएका छन् ।

आइतबार बसेको रास्वपा केन्द्रीय समिति र संसदीय दलको बैठकले सरकारबाट बाहिरीने निर्णय गरेसँगै आइतबार बेलुका रास्वपाका दुई मन्त्री र एक राज्यमन्त्रीले प्रधानमन्त्रीलाई राजीनामा बुझाएका हुन् ।

राजीनामा बुझाउनेमा श्रम, रोजगार तथा सामाजिक सुरक्षामन्त्री डोलप्रसाद अर्याल, शिक्षा, विज्ञान तथा प्रविधिमन्त्री शिशिर खनाल र स्वास्थ्य तथा जनसंख्या राज्यमन्त्री डा. तोसिमा कार्कीले रहेका छन् । सरकारबाट बाहिरीए पनि सरकारलाई दिएको समर्थन भने कायमै राख्ने बताएको सो पार्टीका मन्त्रीहरुले प्रधानमन्त्रीको सरकारी निवास बालुवाटारमा पुगेर राजीनामा बुझाएका हुन् ।

नागरिकता विवादमा सर्वोच्च अदालतको फैसलापछि सो पार्टीका सभापति रवि लामिछानेले उपप्रधान तथा गृहमन्त्री र सांसद पद दुवै गुमाएका थिए । आज बसेको रास्वपाको बैठकले सरकारबाट बाहिरीने निर्णय गरेसँगै मन्त्रीहरुले राजीनामा दिएका हुुन् ।