हामी सबैकाे संसारन्यूज

प्रजित कुँवर, स्याङ्जा

१.
कोशी कर्णाली रारा मेरै देशमा छ
पानी नआउने धारा मेरै देशमा छ
ठुलागफ हाँक्छन् औंठा छापहरूले
कही नभएको पारा मेरै देशमा छ

२.
देशको धुरीमा बस्नेले आँगनमा, टेक्न दिदैनन्
ढाँटछल जालझेल नभए मनमा, टिक्न दिदैनन्
देश बेचेर खान पल्किएका यी राष्ट्रघातीहरूले
ईमान्दार मान्छेहरूलाई सदनमा, टेक्न दिदैनन्

३.
चाल्न नै नहुने कदम चाल्छन् पैसा हुनेहरू
समाजमा मपाई गर्न थाल्छन् पैसा हुनेहरू
बजारमा बेच्न राखिएको रूमाल जस्तै गरी
कानून किनेर खल्तीमा हाल्छन् पैसा हुनेहरू

४.
हिमाल, पहाड, मधेश, तिम्रो दाईजो हैन
कला संस्कृती परिवेश, तिम्रो दाईजो हैन
कहिले भू–भाग बेच्न कहिले बेच्न शीला
खबरदार नेता यो देश, तिम्रो दाईजो हैन

५.
मानो माथि थप्यो पाथी लखपति बन्यो
पुगी सक्यो धेरै नै माथि लखपति बन्यो
नोकरी गर्ने मान्छे म उहीँ धरातलमा रहे
राजनीति गर्ने मेरो साथी लखपति बन्यो