हामी सबैकाे संसारन्यूज

टङ्कबहादुर आलेमगर, त्रियुगा, उदयपुर

‘कति मीठो शहनाईको धुन ।’

‘छ्या बेकार लाग्छ मलाई ।’

‘गिटारका कटहरू कस्तो लाग्छ नि ?’

‘नमजा…।’

‘टुङ्नाको ?’

’नमिठो ।’

‘बिहानी चरीको चिरबिर ?’

‘टाउको दुखाइ ।’

‘फूलले फुलेको बैँस ?’

‘पटाइ लाग्दो ।’

‘परदेशबाट फर्केको बुबा ?’

‘टेन्शनको शुरू ।’

‘बाह्र सफल पश्चात् ?’

‘विदेश जा या कलेज शुरू गर भन्ने दिमागी मुग्रो ठोकाइ ।’

‘रसिया र युक्रेनको लडाइ ?’

‘के मतलब ।’

‘वडाले हाम्रो गाउँलाई बजेट छुट्याए छ ।’

‘हर्ष न विस्मात ।’

‘हाम्रो दाइको भिसा आए छ ।’

‘बेल पाक्यो कागलाई के मजा ?’

‘यो गठबन्धन पनि खरानीको दरवार होला कि ?’

‘आफ्नै बन्धन चुडियला जस्तो छ ।’
‘देशको स्थिति ठीक छैन ।’

‘मेरो स्थिति कसले हेर्ने ।’

‘ओइ लोधोम !! तेरो दिमाग फ्याक्चर त भएन ? जे कुरोलाई पनि नकारत्मक देख्छस् ।’

‘तहिले आइ लभ यू नभनुञ्जेल मेरो लागि चराचर नकारात्मक नै हुन् ।’

‘बहुला ।’ भन्दै रिता स्कुटी हाँकेर सुइकी ।

रमेश ङिच्च हाँस्यो ।