हामी सबैकाे संसारन्यूज

सुरेशकुमार पान्डे,घोराही, दाङ

‘होइन सर, हजुरले देशको कानुन मिचाहाको बचावमा सदनभित्र यती धेरै आवाज किन उठाउनुभयो ? त्यो दोषी हो भन्ने थाहा हुँदाहुदै ।’ एउटा पत्रकारले गम्भिर प्रश्न उठायो ।

‘हेर बाबु ! काम गर्दा कहिलेकाहीँ सबैबाट भुल हुन्छ ।’ उत्तरमा मन्त्रीले खिसिक्क हाँस्दै भन्यो ।

‘कस्तो कुरा गर्नुहुन्छ, महोदय ? एउटा कसुरदारलाई जोगाउन खोज्नु हजुर जस्तो जिम्मेवार पदमा बसेको व्यक्तिलाई सुहाउँछ ? त्यो पनि देशको भविष्यसँग जुडेको सवालमा ।’ पत्रकारले आश्चर्यता प्रकट गर्दै भन्यो ।

‘त्यसो होइन, त्यसमा पनि एउटा मक्सद हुनसक्छ ।’ मन्त्रीले विन्रमतापूर्वक जवाफ फर्कायो ।

‘सर, हामीले पनि त्यहीँ त सोधेको आखिर रहस्य केहो ?’ पत्रकारले फेरी प्रश्न तेर्सायो ।

‘जसको ढोका सिसाको हुन्छ, उसले अर्काको घरमा पत्थर हान्न मिल्छ ?’ मन्त्री पत्रकारतर्फ हेर्दै नहेरी गर्जिंयो ।