हामी सबैकाे संसारन्यूज

काठमाडाैं । लुम्बिनी प्रदेशमा कांग्रेस संसदीय दलका नेता डिल्लीबहादुर चौधरीलाई मुख्यमन्त्रीको प्रस्ताव गर्दै ५३ सांसदले प्रदेश प्रमुखको कार्यालयमा हस्ताक्षर बुझाएका छन्। आइतबार माओवादी केन्द्रका मन्त्रीले राजीनामा दिएलगत्तै कांग्रेसको नेतृत्वमा नयाँ सरकार गठनका लागि दाबी पेश भएको हो ।

दलहरुले संविधानको धारा १६८(२) बमोजिम सरकार गठनका लागि दाबी पेश गरेका छन् । दाबी पत्रमा कांग्रेसका चौधरी, माओवादी केन्द्रका जोखबहादुर महरा, नागरिक उन्मुक्ति पार्टीका धर्मबहादुर चौधरी, लोकतान्त्रिक समाजवादी पार्टीका सन्तोषकुमार पाण्डेय, जनमतका चन्द्रकेश गुप्ता, जनता समाजवादी पार्टीका भण्डारीलाल अहिर, नेकपा एकीकृत समाजवादीका भगवती अधिकारी, राष्ट्रिय जनमोर्चाका तारा थापा र स्वतन्त्र सांसद खड्ग बहादुर बस्नेतले हस्ताक्षर गरेर चौधरीलाई मुख्यमन्त्रीमा नियुक्त गर्न माग गरेका हुन् ।

८७ सदस्यीय प्रदेशसभामा बहुमतका लागि ४४ सांसदकाे समर्थन चाहिन्छ । कांग्रेसका चाैधरीकाे पक्षमा ५३ सांसदकाे समर्थन जुटेकाे छ ।

यी हुन् चाैधरीकाे पक्षमा हस्ताक्षर गर्ने सांसद