Sansar News
काठमाडौं । स्वास्थ्यमा समस्या आएपछि राष्ट्रपति रामचन्द्र पौडेल अस्पताल भर्ना भएका छन् ।
राष्ट्रपति पौडेलको मुटुमा समस्या देखिएपछि मंगलबार बिहान ११ बजे गंगालाल हृदय केन्द्र अस्पताल बासबारीमा भर्ना गरिएको बताइएको छ ।
पौडेललााई आज दिनभरी अस्पतालमा राखेर स्वास्थ्य परीक्षण गरिने बताइएको छ । अस्पताल श्रोतका अनुसार मुटुको परीक्षणका लागि एनजिओग्राम गरिएको छ ।
राष्ट्रपति पौडेल पेटमा समस्या देखिएपछि गत बैशाख ६ गते भारतको नयाँ दिल्लीस्थित एम्स अस्पतालमा उपचारका लागि लगिएको थियो । त्यहाँ ११ दिनको उपचारपछि फर्किएका राष्ट्रपतिको पुनः स्वास्थ्यमा समस्या देखिएपछि आज गंगालाल अस्पतालमा भर्ना गरिएको हो ।
वि.सं.२०८० जेठ ३० मंगलवार १५:३६ मा प्रकाशित
