Sansar News
काठमाडौ । नेकपा एमाले गुल्मीका तत्कालिन अध्यक्ष टोमलाल पाण्डेको सम्झनामा अन्र्तक्रिया कार्यक्रमको आयोजना गरिने भएको छ ।
जिल्लाको बाम प्रजातान्त्रिक आन्दोलनका अथक योद्धा स्वर्गीय पाण्डेको सम्झनामा गुल्मीको समग्र बिकासमा पाण्डेको देन विषयमा अन्र्तक्रिया गर्न लागिएको हो ।
नेकपा एमाले धुर्कोट–काठमाण्डौ सम्पर्क मन्चको आयोजनामा विभिन्न दल र स्वतन्त्र ब्याक्तित्वहरुको उपस्थितिमा असार ९ गते पाण्डेको ७० औं जन्मदिनको अवसर पारेर कार्यक्रमको आयोजना गरिएको हो ।
नेपाल बार एसोसिएसन गुल्मीका पूर्वअध्यक्ष समेत रहेका पाण्डे बिद्यार्थी राजनीतिबाट पार्टी राजनीतिमा आएका ब्यक्तित्व थिए ।
बिभाजन पुर्व बीस २०३० देखि २०३९ सम्म अनेरास्ववियुको केन्द्रिय नेतृत्वमा थिए । अनेरास्ववियुबाट बिदा भएपछि स्वर्गीय पाण्डे नेकपा एमालेका हालका अध्यक्ष केपि शर्मा ओली सस्थापक अध्यक्ष रहेको प्रजातान्त्रिक राष्ट्रिय युवा संघ नेपालका सस्थापक सचिव समेत रहेका थिए ।
वि.सं.२०८० असार ७ बिहीवार १३:२० मा प्रकाशित
