हामी सबैकाे संसारन्यूज

काठमाडौं । ज्योति विकास बैंकले आफ्नो स्थापनाको १५ औं वार्षिकोत्सव मनाएको छ । काठमाडौंको कमलपोखरीस्थित केन्द्रीय कार्यालयमा मंगलबार वार्षिकोत्सव विशेष कार्यक्रम आयोजना गरी मनाएको हो । बैंकले वार्षिकोत्सवको अवसर पारेर नख्खुमा नयाँ शाखा पनि सञ्चालनमा ल्याएको छ ।

उपत्यका र उपत्यकाबाहिर गरी ज्योति विकास बैंकको एक सय २१ वटा शाखा कार्यालय, ३ वटा विस्तारित काउन्टर तथा ७५ वटा एटीएम सहितको सञ्जाल विस्तार भएको बैंकले जनाएको छ ।  बैंकले वार्षिकोत्सवको अवसरमा बैंकमा १० वर्ष तथा १५ वर्षदेखि अनवरत कार्यरत रहेका कर्मचारीहरुलाई सम्मान गरिएको  जनाएको छ ।

बैंकले १५ औं वार्षिकोत्सवको अवसरमा १५ रुपैंयाँमा ‘सुपर स्मार्ट सेभिङ अकाउन्ट’ पनि सार्वजनिक गरेको छ । त्यसैगरी, साउन १४ सम्म ज्योति विकास बैंकको खाता इ-सेवामा लिंक गर्ने ग्राहकलाई १५० रुपैयाँ र खल्ती एपसँग पहिलो पटक ज्योति विकास बैंकको खाता लिंक गर्ने ग्राहकलाई एक सय बोनस दिने बैंकले जनाएको छ ।