हामी सबैकाे संसारन्यूज

गोविन्द शाही,शुभ-कालिका, कालिकोट

१
आमा बुबा मिलुन अरु कोहि न मिलुन
मर्नै परे पनि मर्छु बरु कोहि न मिलुन
अर्को जन्म साच्चीकै हुन्छ भने प्रभु
यो जन्ममा मिलेकाहरु कोहि न मिलुन ।

२
यात्रामा यस्तो बिचित्र पर्खाल भेटाए
आज मैले मित्रता भित्र पर्खाल भेटाए
मलाई घाटामा पारी आफू फाईदामा हुन
मेरो हिडने बाटोमा मित्र पर्खाल भेटाए ।

३
मेरो याद आउँदा खेरि कसरी बस्लिन
साँझ बिहान बाटो हेरी कसरी बस्लिन
चोली फेर्न खुसी हेर्न परदेश जाँउ भने
आमा घरमा एक्लै फेरि कसरी बस्लिन ।

४
केही नलेउ दुःख पिर भएरै छोडछ
कहि हलचल कहि स्थिर भएरै छोडछ
समय खराब हो, कसैलाई दोष नदेऊ
जे छ भाग्यमा आखिर भएरै छोडछ ।

५
पाए पछि, जय जय बल्ल शुरु हुन्छ
गर एउटा लक्ष्य तय बल्ल शुरु हुन्छ
ढिलो भएकै छैन मित्र हतार नगर्नुस्
ढुङ्गाको आयु मुर्ति भए बल्ल शुरु हुन्छ ।