हामी सबैकाे संसारन्यूज

काठमाडौं । त्रिभुवन अन्तराष्टिय विमानस्थल भन्सार कार्यालयका कर्मचारी आन्दोलित बनेका छन् ।

गत साउन ३ गते ६० किलो सुन पक्राउ प्रकरणपछि आफुहरुलाई काम गर्ने वातावरण सहज नभएको भन्दै भदौ १२ गते सामुहिक सरुवाको माग गरेको र सो मागको सुनुवाई नभएको भन्दै उनीहरुले आन्दोलनका कार्यक्रमको घोषणा समेत गरेका छन् ।

उनीहरुले आइतबार सांकेतिक रुपमा ३ घण्टा पेन डाउन गरेर सांकेतिक विरोध गरेका छन् ।

त्यसैगरी कार्यालयमा राजस्व असुलीको असल नियतले भन्सार ऐन नियम तथा अन्य प्रचलित कानुन बमोजिम गरिएको नियमित कार्यालय अनुसन्त्रधानको नाममा निर्दोष कर्मचारीलाई धरपकड गर्ने र पक्राउ गरी हिरासतमा लिने लगायतका कार्य अविलम्ब बन्द गर्न माग गरेका छन् । साथै कार्यस्थलमा नियमित उपस्थित भइ निर्भिक रुपमा उच्च मनोबलका साथ कामगर्ने वातावरणको माग गरेका छन् ।

त्यस्तै विरोधका कार्यक्रम घोषण गर्दै भदौ २५ र २६ गते कार्यालयको कार्गो जाँचपास शाखा मार्फ्त हुने निकासी पैठारी सम्बन्धी सम्पूर्ण कामहरु पूणरुपमा बन्द गर्ने चेतावनी दिएका छन् ।