हामी सबैकाे संसारन्यूज

काठमाडौं । लुम्बीनी विकास बैँक देविघाट शाखाले बैँकको संस्थागत सामाजिक उत्तरदायित्व अन्तर्गत नुवाकोट जिल्लामा अवस्थित विभिन्न विद्यालयहरुमा सहयोग हस्तान्तरण गरको छ ।

बैंकले रणभुवनेश्वरी माध्यामिक विद्यालय, शहिद जगत प्रकाश जंग शाह संस्कृत माध्यामिक विद्यालय, कल्याणीदेवी माध्यामिक विद्यालयहरुलाई विद्यार्थी पोशाक, खेलकुद तथा शैक्षिक सामाग्री हस्तान्तरण गरेको हो ।

बैंकले विदुर नगरपालिका वडा नं. तीनमा अवस्थित रणभुवनेश्वरी माध्यामिक विद्यालयमा अध्ययनरत ५० जना गरिब तथा विपन्न वर्गका विद्यार्थीहरुलाई पोशाक वितरण गरको छ भने वडा नं. पाँचमा अवस्थित शहिद जगत प्रकाश जंग शाह संस्कृत माध्यामिक विद्यालयको बालकक्षाका विद्यार्थीहरुको लागि एक सेट खेलकुद सामाग्री वितरण गरको छ ।

त्यस्तै, बैंकले बेलकोटगढी नगरपालिका वडा नं. आठमा अवस्थित कल्याणीदेवी माध्यामिक विद्यालयको लागि एक थान कलर प्रिन्टर सहयोग गरको छ । ती सामाग्रीहरु बैंकको तर्फबाट नायव प्रमुख कार्यकारी अधिकृत सुमन चार्यले हस्तान्तरण गरे ।

शैक्षिक तथा खेलकुद सामाग्रीहरु सहयोग गरेकोमा ती विद्यालयहरुले बैँकलाई धन्यवाद व्यक्त गरेका थिए । सामाग्री हस्तान्तरण समारोहमा बैकका मुख्य प्रबन्धक दिपक खनाल, वरिष्ठ प्रबन्धक भेषराज गौतम, शाखा प्रमुख रमेश कुमार नेपाललगायत विद्यालय व्यवस्थापन समितिका पदाधिकारीहरु, शिक्षक शिक्षिकाहरु तथा  विद्यार्थीहरुकोसमेत उपस्थिति रहेको थियो ।

बैंकको हाल देशका सातवटै प्रदेशमा गरी ८९ वटा शाखाहरु तथा १ वटा एक्सटेन्सन काउन्टर सञ्चालनमा रहेका छन् । यस बैंकले “निरन्तर सहयात्रा ” भन्ने नाराका साथ आफ्ना ग्राहक महानुभावहरुलाई उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दैआईरहेको छ । ग्राहकहरुलाई अधिकतम प्रतिफल दिने उद्देश्यले बैंकले मुद्दती खातामा मासिक रुपमा ब्याज प्रदान गर्ने विशेष योजनासमेत कार्यान्वयनमा ल्याएको छ ।