हामी सबैकाे संसारन्यूज

काठमाडौं । शुक्रबार राति जाजरकोटको रामीडाँडालाई केन्द्रबिन्दु बनाएर गएको ६ दशमलब ४ रेक्टरको भूकम्पका कारण हालससम्म १२९ जनाको मृत्यु भएको छ ।

हालसम्मको तथ्यांक अनुसार मध्यराती गएको उक्त भूकम्पका कारण जाजरकोटमा ९२ जना र रुकुमपश्चिममा ३७ जना गरी १२९ जनाको मृत्यु भएको नेपाल प्रहरीले जनाएको छ ।

भूकम्प अपडेट : भूकम्पमा परी मृत्यु हुनेको संख्या १२८

प्रहरीको तथ्यांक अनुसार जाजरकोटमा ५५ जना र रुकुमपश्चिममा ८५ जना गरी १४० जना घाईते भएका छन् । घाईतेहरुको जाजरकोट जिल्ला अस्पताल लगायतका विभिन्न अस्पतालमा उपचार भइरहेको छ । प्रहरीका अनुसार उद्धार कार्य जारी रहेको छ ।

जारजकोटको नलगाड नगरपालिकामा धेरै मानविय क्षति भएको छ । पालिकाकी प्रमुख सरिता सिंहसहित त्यहाँ धेरैजनाको भूकम्पका कारण मृत्यु भएको छ ।

जाजरकोटको सदरमुकाम खलंगाबाट ८ घण्टाको दूरीमा रहेको बारेकोट गाउँपालिकाको रामीडाँडालाई केन्द्रबिन्दु बनाएर गएको भूकम्पले बजार क्षेत्रमा बढी मानविय क्षति गरेको बताइएको छ । केन्द्रबिन्दु रामीडाँडाँमा घरहरु बढी भत्किए पनि मानविय क्षति नभएको पालिकाले जनाएको छ । साथै नलगाड र भेरीनगरपालिकामा पनि बढी मानविय क्षति भएकोछ ।

जाजरकोट सदरमुकामका सडकहरु धुँजा धुजा भएको र संचार सम्पर्क पनि टुटेका कारण क्षतिको पूर्ण विवरण आइनसकेको बताइएको छ ।
भेरी नगरपालिकामा ३५ जना र नलगाड नगरपालिकामा उपप्रमुखसहित ५० जनाको मृत्यु भएको जनाइएको छ ।