Sansar News
चेतनाथ धमला, ओखलढुङ्गा
१.
रक्तिम आभा
सहिदको मुस्कान
मुक्त आकाश ।
२.
वनको काँडो
आफैँ तिखारिएर
सुसेल्छ क्रान्ति ।
३.
रक्तिम शीत
योद्धाको पसिनामा
टल्किन्छ आफैँ ।
४.
सर्पको राग
विषालु अखडामै
भत्किन्छ आफैँ ।
५.
आफैँमा उम्री
अक्करमा सुसेल्छ
पोकली छाँगो ।
६.
मनको आगो
रक्ताम्य छ पहाड
गोहीको आँसु ।
७.
नयाँ बिहानी
आँखाभरि सपना
यो खिजीदेम्बा ।
८.
ढुङ्गाको छानो
मिर्मिरे आधुनता
सारा चौतारी ।
९.
भोर्लोको पात
बर्से घुम बनेर
दिँदोछ ओत ।
१०.
ओ! तिरिमिरी
आकाशभित्र तारा
क्षितिजै घेरो ।
वरिष्ठ हाइकुकार धमला नेपाल प्रज्ञा–प्रतिष्ठानका प्राज्ञसभा सदस्य तथा नेपाल हाइकु सङ्घका केन्द्रीय हुन् ।
वि.सं.२०८० चैत १० शनिवार ०७:४७ मा प्रकाशित
