Sansar News
अर्जुन वेदना राई, इलाम
‘बालिका बलात्कारपछि हत्या’
सृष्टिको अभिन्न अङ्ग लिङ्ग
यतिसम्म घृणित बन्दैछ,
यतिसम्म अपमानित बन्दैछ ।
संविधान संशोधन गर सरकार
ऐन बनाउ,
कानुन फेर
शूली चढाउ बालिका बलात्कारीहरू ।
हैन भने,
सामाजिक नियम बनाऊ,
चुँडाईदिउँ दुर्गन्धित अण्डकोषहरू,
ठुन्क्याईदिउँ घृणित लिङ्गहरू
ताकि,
अपमान सहन नपरोस् असंख्य लिङ्गहरूले
बालिका बलात्कारको आरोपमा ।
पूजियोस् सारा लिङ्गहरू
पवित्र शिवलिङ्ग मानेर ।
तब मात्र क्रमभंग हुन्छ
बलत्कारको, हत्याको
जबसम्म नियम बनिदैंन
लिङ्ग छेदनको ।
वि.सं.२०८० चैत १० शनिवार ०८:०४ मा प्रकाशित
