Sansar News
भूपाल अधिकारी, बिराटनगर
जीवनको एक जिउने साधन रहेछ माया
हर एक जिन्दगीको धड्कन रहेछ माया
भन्छन् कसै कसैले वनको कुनै डढेलो
आगो बनेर बल्ने यौवन रहेछ माया
छिनमै रुने र हाँस्ने मान्छे अनेक हुन्छन्
यौटा विचित्र नाटक मञ्चन रहेछ माया
कोही समुद्र भन्छन् कोही अकास भन्छन्
जस्तो छ सोच त्यस्तै दर्शन रहेछ माया
धोका दिनेले गर्थे देखावटी र भन्थे
पित्तलमा मात्र सुनको लेपन रहेछ माया
बहर : मुजारे मुसम्मन अखरब
अर्कान : मफऊल फाइलातुन मफऊल फाइलातुन
वजन : २२१ २१२२ / २२१ २१२२
वि.सं.२०८१ जेठ १२ शनिवार ०९:०० मा प्रकाशित
