हामी सबैकाे संसारन्यूज

गणेश लोहनी
चितवन, हाल-काठमाण्डौ

१
बुद्ध भूमि नेपालमा जन्मिएको सार बनौं
अहिंसा परमोधर्म, बुद्ध वाणी खोपौं मन मनमा
हिंसालाई काट्न सक्ने अहिंसाको धार बनौं

२
अनिश्वरवादी बुद्धले मूर्ति पूजेनन् कहिल्यै
अनात्म, अनित्य, अनिश्वर यी तीन हुन् बुद्ध त्रिरत्न
उनलाई पूज्नेले यो यथार्थ बुझेनन् कहिल्यै

३
प्रतित्य–समुत्पाद बुद्ध शिक्षाको चुरो मानिन्छ
बुद्धका मार्गदर्शन जीवनोपयोगी व्यवहारिक शिक्षा हो
अष्टाङ्गिक मार्ग नबुझे बुझाई अपुरो मानिन्छ

४
गहिरिएर बुद्ध दर्शन पढौं औ बुझौं हामी
“शरणम् गच्छामि“ भनेर मात्र कहाँ जोगिन्छ बुद्धत्व
इतिहासै माथि धावा बोल्ने संग जुझौं हामी

५
बुद्ध युगान्तकारी महामानव अद्भूत हुन् नेपालका
बुद्ध शिक्षाको अनुशरण गरौं “बुद्धम् शरणम् गच्छामि“ भनौं
छब्बिस सताब्दी पुरानो शान्ति दुत हुन् नेपालका